- 606 -

1432. März 28. Glogau.

Vnsern fruntlichen dinst zcuuor. Erbere weyze liebin herren, wir horen sagin, das die kettzer aber in die Slesia czien mit czwehen heren, eyns kome von dy Neyse her, das ander von Pulkenhayn, dorumme liebin herren beten wir euch, ap das also ist vnd wo hen sie iren czog legin wellin ad er was sie willin habin, was ir douon wist ad er ander czeytunge von en, beten wir euch, wellit in ewir heymlichkeit vns das bey desem vnserm diner eigintlich schreybin vnd vns des nicht vorsagin, das wellin wir kegin euch weder vrundlichin vordinen. Gegebin am ffritage vor dem sontage Letare anno etc. tricesimo secundo.
Rathmanne der stad Glogow in beiden teylenn.
Mit bekannter Rückaufschrift an den liegnitzer Rath.

Orig. Kgl. Bibl z. Berl. Ms. Boruss. fol. 368, No. 73.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866